विश्वका कान्छा नेपाली निर्देशक सौगात विष्टले अर्को नयाँ चलचित्र निर्देशन गर्ने भएका छन् । ८ बर्षको हुँदा 'लब यू बाबा' निर्देशन गरेका सौगातले यो पटक भने 'हैरान' नामक चलचित्र निर्देशन गर्न लागेका हुन् । भदौबाट छायाँकन सुरु हुने बताइएको यो चलचित्रको स्क्रिप्ट लेखन कार्य अन्तिममा पुगेको सौगातका पिता गजित विष्टले जानकारी दिए । सौगातले लब यू बाबा निर्देशन गरेपछि विश्वकै कान्छा निर्देशकको रुपमा गिनिज बुकमा नाम लेखाएका थिए । कमेडी शैलीमा तयार हुने बताइएको चलचित्र हैरान एक्शन र लभस्टोरी हुने बाल निर्देशक सौगात विष्टले जानकारी दिए । मोहन कृष्ण श्रेष्ठले निर्माण गर्ने यो चलचित्रमा गजित विष्ट, निश्मा घिमिरे भने पक्का भइसकेका छन् । चलचित्रको कथा भने गम्भिर विष्टले लेखेका हुन् ।