प्रदर्शनमा आउने अघिल्लो दिननै पाइरेसीको शिकार भएको बलीउड चलचित्र 'उड्ता पञ्जाब'को शुक्रबारे ओपनिङ्ग राम्रो देखिएको छ । ट्रेड एनालिष्ट तरण आदर्शका अनुसार चलचित्रले प्रदर्शनमा आएको पहिलो दिन १०.०५ करोडको व्यापार गरेको छ । यो चलचित्र यस बर्ष प्रदर्शनमा आएका ४ चलचित्रपछिको राम्रो ओपनिङ्ग गर्ने चलचित्रको सुचीमा समेत परेको छ । पाइरेसी भएपछि चलचित्रको व्यापारमा धेरै असर गर्ने देखिएपनि चलचित्रले पहिलो दिननै राम्रो ओपनिङ्ग गरेपछि पाइरेसीको मार चलचित्रले खेप्नु नपरेको भारतीय मिडियाहरुले बताएका छन् । साहिद कपुर, आलिया भट्ट, करिना कपुर अभिनित यो चलचित्रले ड्रक्सको कथालाई उठान गरेको छ ।