अभिनेत्री रेखा थापा आफ्नो ब्यानर भन्दा बाहिरी ब्यानरमा कमै काम गर्छिन । त्यहि क्रममा उनले चलचित्र पलाँसमा काम गरिन् । हालै मात्र चलचित्र 'पलाँस'को छायाँकन सकिएको छ । कथावस्तुले मन छोएपनि चलचित्रका काम गरेकी रेखा यो चलचित्रमा पलाँसको भुमिकामा देखिँदैछिन् । ३२ दिन लामो छायाँकनपछि सकिएको चलचित्र पलाँसमा रेखाको अलवा कामेश्वर चौरासिया, आयुब केसी लगायतका कलाकारहरुको प्रमुख भुमिका रहेको छ । नारीप्रधान चलचित्रमा काम काम गर्ने रेखा थापाले चलचित्र पलाँसमा आफु अहिलेसम्मकै फरक भुमिकामा देखिन लागेको बताएकी छिन् । खबरका अनुसार रेखा चलचित्रमा कमेडी शैलीमा प्रस्तुत हुँदैछिन् । सुवास कोइरालाले निर्देशन गरेको चलचित्रमा सुसन प्रजापतिको छायांकन, अर्जुन पोख्रेलको संगीत छ । यो चलचित्रलाई कृषा चौलागाइले निर्माण गरेकी हुन् ।