तमिल फिल्मका सुपरस्टार रजनीकान्तका फ्यानहरु निकै अचम्मका अचम्मका छन् । उनले लामो समयदेखी चलचित्रक्षेत्रमा गरेको योगदान र उनको एक्शनलाई दर्शकहरु सायदै भुल्न सक्दैनन् । उमेरले ६५ बर्ष लागिसकेका रजनीकान्तको चलचित्र हेर्न दर्शकहरु अहिले पनि निकै आतुर हुन्छन् । उनै सुपरस्टार रजनीकान्तले अभिनय गरेको चलचित्र 'कबाली' आगामी जुलाई १५ मा प्रदर्शन हुँदैछ । यहि चलचित्रको पहिलो शो हेर्नका लागि करिब १८१ जना एउटा विशेष प्लेनमा चढेर जाने भएका छन् । त्यो दिन उनीहरूले बेङ्लोरबाट प्लेनमा चेन्नई जानेछन र फिल्म हेर्नेछन् र लन्च खाएर आफ्नो घर फर्कनेछन्। यसरी फिल्म हेर्न जानेमध्येकी एक प्रतिनिधि पात्र हुन समिता शर्मा रङ्गनाथनले रजनीकान्तको कबाली हेर्नका लागि सो दिन करिब १२ हजार नेपाली रूपयाँ खर्च गर्नेछिन्।