दरबारमार्गस्थित भिक्ट्री लन्ज एण्ड बार स्थापनाको एक वर्ष पूरा भएको अवसरमा असार ४ गते हुन लागेको ‘भिक्टोरियन्स नाइटस्’ नामकको फेसन सोमा अभिनेत्री प्रियंका कार्की, माला लिम्बु र मलिना जोशीले क्याटवाक गर्ने भएका छन् । यि तिन सुन्दरीले क्याटवाकमा उत्रिनु अघि फेसनको शोको शुभारम्भ भने आयुष्मान देसराज जोशी र अर्पणा उपाध्यायले गर्नेछन् । त्यस्तै कार्यक्रममा मोडलहरुले मनिस राई, खुशी भेटवाल र खुस्बु रानाले डिजाइन गरेको पहिरणमा र्याम्पको शो नाप्नेछन् । मोडलहरुको कोरियोग्राफी विपेन माइक गुरुङको रहनेछ भने याशु खड्काले साल्सा नृत्य प्रस्तुत गर्नेछन् । भिक्ट्रीकी कार्यकारी निर्देशक निरु जोशीका अनुसार कार्यक्रममा धर्मेन्द्र सेवानले आफ्ना चर्चित गीत सुनाउनेछन् । बेलुकी ७ बजेबाट सुरु हुने कार्यक्रममा सहभागीले डिजेको संगीतमा पनि झुम्न पाउनेछन् ।