चलचित्र 'जय पर्शुराम'को छायाँकन सकिएको केहि दिन नवित्दै एक त्यस्तै नाम गरेको चलचित्र 'पर्शुराम'को छायाँकन पनि शुक्रबारबाट सकिएको छ । एनआर घिमिरेको निर्देशन रहेको चलचित्र पर्शुरामको छायांकन सकिएको छ । शुक्रबार चितवनको सौराहामा चलचित्रको गीतको छायांकन सकिए सँगै चलचित्रको सम्पूर्ण सुटिंग सकिएको हो । चलचित्रमा समाबेश एउटा गीतको लुम्बिनी ,बुटवल ,पाल्पा ,पोखरा हुँदै चितवनमा छायाँकन गरिएको निर्देशक घिमिरेले जानकारी दिए । टंक बुढाथोकिको संगीत तथा टंक र निता  थापाको स्वर रहेको 'छिसिक्क मिस कल' बोलको गीतमा नायक किशोर खतिवडा र नायिका जाहान्वी बस्नेतलाई नूत्य निर्देशक बब्बु थापाले नचाएका छन् । चलचित्र पर्शुराममा  किशोर र जाहान्वीको अलावा घनाश्याम गिरि ,सुशील पोखरेल ,नबराज रावत लगायतको मुख्य भूमिका रहेको छ । चलचित्रमा पहिलो पटक ५० भन्दा बढी घोडाहरुको प्रयोग गरिएको छ।चलचित्रमा रोशन श्रेष्ठको एक्शन रहेको छ । ब्ल्याक चिल्ली इन्टरटेनमेन्टको व्यानमार निर्माण भएको चलचित्र पर्शुरामको छायांकनका दाङ आसपासको क्षेत्रमा गरिएको छ ।