युवास्टार अनमोल केसीले अभिनय गरेको चलचित्र 'ड्रिम्स' पाइरेसी भएको खबर केहि दिनदेखी नेपाली मिडियाहरुमा छ्यापछ्याप्ती भएका छन् । ५ करोड भन्दा बढि नाफा कमाएको चलचित्र ड्रिम्स एक्कासी पाइरेसी भएको खबर पाएपछि लण्डन प्रदर्शनमा रहेका चलचित्रका निर्देशक र निर्माता भुवन केसी र नायक अनमोल केसी एक्कासी नेपाल आएँ । अनमोलले आफ्नो नयाँ चलचित्र 'गाजलु' को प्रिमियर समेत छोडेर नेपाल आउनु पर्यो । केहि दिनदेखी युट्युव र पेन्ड्राइभमा चलचित्र ड्रिम्स छ्यापछ्याप्ती पाउन थालेपछि निर्माता भुवन केसीले १ करोड क्षतीपूर्तीको माग गर्दै प्रहरीमा उजुरी दिए । उनले प्रहरीमा उजुरी दिएको केहि दिन नवित्दैं चलचित्र ड्रिम्स पाइरेसी गर्नेलाई बिहिबार महानागरिय प्रहरी अपराध महाशाखाले विधान गुरुङ र चन्द्र नागजु नाम गरेका २ व्यक्तिलाई पक्राउ गरेको छ । जसमध्ये विधान हाइलाइट्स नेपालमै काम गर्ने कर्मचारी हुन् । 

चलचित्र रिलिज भएको एक बर्षपछि युुटुबमा राख्ने संझौता भएको भूवनले बताए । पाइरेसीबाट बच्नका लागि भन्दै भूवनले मास्टर कपी नै हाइलाइट्सलाई दिएका थिए । तर, सोही कम्पनीबाटै चलचित्र पाइरेसी भएको छ । फिल्मी अपडेटलाई प्राप्त खबर अनुसार हाइलाइट्स नेपालले गल्ती स्विकार गर्दै क्षतीपूर्ती  दिन तयार भइसकेको छ । हाइलाइट्सका कर्मचारी र कप्यूटर सहित अर्का एक व्यक्तिलाई पक्राउ गरि महाशाखामा अनुसन्धानका लागि राखिएको छ । भूवनले चलचित्र विकास बोर्ड अध्यक्ष, चलचित्र कलाकार संघका अध्यक्ष, एसएसपी सवेन्द्र खनाल र  उनको टिमलाई धन्यवाद दिएका छन् । चलचित्र ड्रिम्स पाइरेसी भइसकेपछि विदेशका विभिन्न ठाँउहरुमा प्रदर्शन हुने भनिएको पनि स्थगित हुने सम्भावना बढेको छ । दर्शकहरुले घर घरमै चलचित्र ड्रिम्स पाइसकेकाले अबको विदेश प्रदर्शन रोकिने सम्भावना बढेको छ ।