जेठ २८ गतेबाट देशव्यापी प्रदर्शनमा आउन लागेको चलचित्र 'गाजलु'को नयाँ गीत सार्वजनिक भएको छ । होलीका लागि विशेष गरि बनाइएको सार्वजनिक गीतमा चलचित्रका अधिकाशं कलाकारहरु रङ्गसँग रमाइरहेको देख्न सकिन्छ । 'रङ्ग रङ्गा' बोलको गीतमा जैन जेको शब्द संगीत रहेको छ भने सिवनी मोक्तानको आवाज रहेको छ । रोहित अधिकारी फिल्मसको ब्यानरमा निर्माण भएको चलचित्र गाजलु अहिलेका सर्वाधिक चर्चित युवा स्टार अनमोल के.सी. र पूर्व मिस नेपाल सृष्टि श्रेष्ठको जोडी आम दर्शकहरुका लागि ठूलो कौतहुल बनेको छ । लगालग हिट फिल्म दिएका अनमोलको ड्रिम्सको सफलतासंगै प्रशंसकहरु ह्वात्तै बढेका छन् । पहिलो पटक पर्दामा देखिन थालेकी पूर्व मिस नेपाल सृष्टि पनि दर्शकका लागि जबरजस्त आकर्षणको केन्द्र बनेकी छन् । फिल्म मेकिङमा स्नातक गरेका रोहित अधिकारीले गाजलुबाट पहिलोचोटी निर्माणमा हात हालेका छन् । पछिल्लो समयका सफल निर्देशक हेमराज वि.सी. गाजलुका निर्देशक हुन् । यो चलचित्रमा अनमोल र सृष्टिको अलवा सलोन बस्नेत, गौरव पहारी लगायतका कलाकारहरुको पनि मुख्य भुमिका रहेको छ । 

भिडियो हेर्न यहाँ क्लिक गर्नुहोस् ।