नेपाली चलचित्रकी सदाबहार नायिका करिश्मा मानन्धर नेता बाबुराम भट्टराईको नेतृत्वमा घोषणा गरिएको नयाँ शक्ति नेपालका सचिवालय सदस्य हुन् । त्यसो त उनले हिजो नयाँ शक्ति पार्टीको औपचारिक घोषणा सभा कार्यक्रम संचालन गर्ने जिम्मा पाएकी थिईन । तर रिल लाइफमा लोकप्रिय यी नायिका रियल लाइफमा भने नराम्रो सँग चिप्लिएकी छन् । ठूलो भिड र औपचारिक कार्यक्रम भएकाले उनले प्रष्ट बोल्न सकिरहेकी थिइन् । उनले उत्साहित  दर्शकरकार्यकर्ताहरुलाई निराश पारिन । कार्यक्रममा मानन्धरले नेपाली कांग्रेसका केन्द्रीय सदस्य एवम् सांसद प्रदीप गिरीको नाम गलत उच्चारण गरिन  । 

उनले कार्यक्रममा शुभकामना दिन उपस्थित भएका नेपाली कांग्रेसका नेता प्रदीप गिरीलाई “डा प्रदीप भट्टराई” भनेर मञ्चमा बोलाइन् । करिश्माले प्रदीप गिरीको नाम शुद्धसँग उच्चारण गर्न नजानेपछि प्रदीपले मञ्चबाटै करिश्मालाई ‘उद्घोषक सुन्दरी’को संज्ञा दिएका थिए । प्रदीप गिरीले आलोचना गरेपछि करिश्माले भनिन्, ‘म अलि छिटो बोल्ने गरेकी छु, त्यही भएर गल्ती हुने गरेको छ । अबदेखि म सुध्रिने प्रयास गर्ने छु, सर ।’ करिश्माले धेरै पटक गल्ती गरिन । उद्घोषका क्रममा प्रधानमन्त्रीलाई  प्रधानमन्त्री नभनी सिधै ‘केपीजी’ साढे तीन बजे आउँदै हुनुहुन्छ भनेर सभालाई जानकारी दिईन् । यस्ता धेरै गल्तीहरु उनले कार्यक्रम सञ्चालन गर्दे गर्दा देखिएको थियो ।