भोलीबाट देशव्यापी प्रदर्शनमा आउन लागेको चलचित्र 'कालो पोथी' र 'छेस्को' को लडाई अन्य चलचित्रको लडाई भन्दा विल्कुलै फरक छ । चलचित्र 'कालो पोथी' मल्टिप्लेक्स केन्द्रीत चलचित्र हो भने 'छेस्को' सिंगल थ्रिएटर लक्षित चलचित्र हो । पोर्नस्टार बन्छु भन्दै हिँडिरहेकी अर्चना पनेरुले अभिनय गरेको चलचित्र छेस्कोले सिंगल थ्रिएटरमा झण्डै ९० बढि हल पाएको छ भने कालो पोथीले राजधानी भित्र र बाहिरका अधिकांश मल्टिप्लेक्स पाएको छ । 

खबरका अनुसार चलचित्र कालो पोथी सिंगल थ्रिएटरका केहि हलहरुमा मात्र प्रदर्शन आउँदैंछ भने अन्य सबै हलहरु चलचित्र छेस्कोले पाएको छ । अर्चनाको बोल्ड दृश्यका कारण खुबै चर्चामा आएको चलचित्र छेस्कोमा राजन कार्की, करण क्रेजी लगायतका कलाकारहरुको अभिनय रहेको छ । त्यस्तै मीनबहादुर भाम निर्देशित चलचित्र कालो पोथीमा खड्काराज नेपाली र सुकराज रोकाया लगायतका कलाकारहरुले अभिनय गरेका छन् । यो चलचित्रले विदेशका २३ वटा चलचित्र फेस्टिभलमा सहभागी भएको तथा भेनिष चलचित्र फेस्टिभलमा वेष्ट चलचित्रको अवार्ड जितेको थियो ।