केही दिनअघि जस्टिन बिबर गायिका सेलेना गोमेजसँग नजिकिन खोज्दै गरेको खबरले राम्रै चर्चा पायो । केही समयअघि यी दुईको सम्बन्धमा चिसोपना पलाएको थियो । उता, फुटबलर नेमार पनि सेलेना नजिक भएकाले जस्टिनसँग उनको सम्बन्ध बिग्रन सक्ने अनुमान पनि गरिएको थियो । तर, यी सबै अड्कलबाजी रहेछन् । पपगायक जस्टिन बिबर त निकोला पेल्ट्जलाई पो फलो गरिरहेका छन् । हलिउडको गसिप साइट हलिउडलाइफले यस्तो दाबी गरेको हो । त्यसअनुसार बिबरले केही दिनदेखि निकोलासँग डेट पनि गरिरहेका छन् ।