अहिलेसम्म उनले काम गरेका चलचित्र हेर्दा उनले कथावस्तु भन्दा पनि पारिश्रमिकको लागि काम गरेको सजिलै अनुमान पनि लगाउन सकिन्छ । धेरै स्टार कलाकारहरुसँग पनि काम गरिसकेकी जेनिशाको पछिल्लो चलचित्र एक पल प्रदर्शनमा आउँदैछ । यो चलचित्र श्रावण २१ गतेबाट देशव्यापी प्रदर्शनमा आउने तयारीमा रहेको छ । यो चलचित्रमा उनको काम चलचित्रको ट्रेलर र गीतहरुबाट सजिलै छुट्याउन सकिन्छ । उनको काम चलचित्र एक पलको ट्रेलर र गीतमा हेर्दा उत्कृष्ट देख्न सकिन्छ । स्रोतका अनुसार जेनिशाको यो अन्तिम चलचित्र हो, जुन प्रदर्शनको तयारीमा रहेको छ । अब जेनिशाको अगाडीको फिल्मी यात्रा यहिँ चलचित्रले तोक्छ भन्दा फरक पर्दैन । यो चलचित्र सफल भयो भने उनको फिल्मी यात्रा केहि सुखद भने देख्न सकिन्छ तर यो चलचित्रले धोका दियो भने चाहिँ उनको करियर कता तिर लम्कला त्यो भने भोलीको दिनले बताउँला । भोलीका दिनमा अब पनि उनले राम्रो व्यानर र राम्रो कथावस्तु नखोजे उनको पनि फिल्मी यात्रा सुखद भने देखिँदैन ।