हिजो शुक्रबारबाट देशव्यापी प्रदर्शनमा आएको चलचित्र 'गाजलु'ले दुई दिनमा करोड प्रवेश गरेको छ । प्रदर्शनमा आएको पहिलो दिन राजधानी भित्र र बाहिर गरि करिब ४४ लाख माथीको व्यापार गरेको गाजलुले शनिबार अर्थात दोस्रो दिन राजधानी र बाहिर गरि करोडमाथीको व्यापार गरेको चलचित्र निर्माता रोहित अधिकारीले जानकारी दिएका छन् । रोहित अधिकारीको कुरालाई आधार मान्ने हो भने चलचित्र गाजलुले दुई दिनमा डेढ करोडमाथीको व्यापार गरेको छ । अनमोल केसी स्टार चलचित्र गाजलुले अबको केहि दिनमा आफ्नो लगानी सुरक्षित गर्दै नाफाको बाटोमा लाग्नेछ । अनमोल केसी, सृष्टि श्रेष्ठ, सलोन बस्नेत, गौरव पहारी, मेनुका प्रधान लगायतका कलाकारहरुको मुख्य भुमिका रहेको यो चलचित्रलाई अहिले दर्शकहरुले निकै रुचाएका छन् । विशेषत तन्देरी पुस्ताका दर्शकहरु गाजलु हेर्न हलसम्म गएको देख्न सकिन्छ । यो चलचित्रलाई हेमराज विसीले निर्देशन गरेका हुा् भने रोहित अधिकारीले निर्माण गरेका हुन् ।