मानवताको सम्मान गर्ने उद्देश्यले मानव अधिकार फिल्म महोत्सव सुरु भएको छ । शुक्रबार ललितपुरको स्टाफ कलेजमा राष्ट्रिय मानव अधिकार आयोगका अध्यक्ष अनुपराज शर्माले महोत्सवको उद्घाटन गरे। अस्कर अवार्ड विजेता पाकिस्तानी डकुमेन्ट्री अ गर्ल इन द रिभरको प्रदर्शनीबाट महोत्सव सुरु भएको थियो । त्यस्तै भर्खरै चलचित्र विकास बोर्डबाट विशेष फिल्मको अवार्ड जित्न सफल नेपाली फिल्म छायाँको महोत्सवमै प्रिमियर समेत सम्पन्न भयो। बाल यौनदुराचारको विषय बोकेको उक्त फिल्म मनोज पण्डितले निर्देशन गरेका हुन् । नेपाल मानव अधिकार अन्तर्राष्ट्रिय फिल्म महोत्सवको चौथो संस्करण १३ देशका ३२ वटा फिल्महरु समेटिएका छन्। मानव अधिकारका मुद्दाहरु समेटिएका फिल्महरुको महोत्सव आगामी आइतबारसम्म चल्नेछ।