निकै बर्ष अगाडी प्रदर्शनमा आएको बलीउड चलचित्र 'तेरे नाम'मा सलमान खान 'राधे'को भुमिकामा देखिएका थिए । उनको उक्त भुमिकालाई दर्शकहरुले निकै रुचाएका थिए र चलचित्र सुपरहिट पनि भयो । अब सोहि नाममा नेपाली चलचित्र निर्माण हुने भएको छ । निर्माता शुशिल पोख्रेलले 'राधे' नामक चलचित्र निर्माण गर्ने भएका छन् । लब सव चलचित्रले राम्रो आम्दानी गरेपछि निर्माता पोख्रेलले राधे नामक चलचित्र निर्माण गर्न कसिएका हुन् । उनका अनुसार अब चलचित्रका लागि केहि मात्र कलाकार छनोट हुन बाँकी रहेको छ । भदौको पहिलो साताबाट फ्लोरमा जाने तयारी कसिएको चलचित्र राधेमा को को कलाकारहरु प्रमुख भुमिकामा हुनेछन् त्यो भने अहिले निर्माता पोख्रेलले खुलाउन मानेनन् । उनका अनुसार यो चलचित्रको बारेमा चाँडै एक कार्यक्रमका बिच औपचारिक निर्माण घोषणा गरिनेछ ।