आफ्नो समयकी सफल अभिनेत्री रिचा घिमिरेले तेस्रो सन्ताको रुपमा छोरीलाई जन्म दिएकी छिन् । नेपाली मिति अनुसार असार ९ गते साँझ ५ बजेर ३५ मिनेट जाँदा रिचाले छोरीलाई जन्म दिएकी हुन् । रिचाका पति शंकर घिमिरेले दिएको जानकारी अनुसार अहिले बच्चा र आमाको अबस्था सामान्य रहेको छ । निर्देशक शंकर घिमिरेले फेसबुकमा फोटो पोष्ट गर्दे दिएको जानकारी अनुसार छोरीको नाम मायरा घिमिरे राखिएको छ । लामो समयदेखी अमेरिकामा रहेका उनीहरुको यस अघि दुई छोरा थिए । अमेरिकामा घर समेत किनेर अमेरिकी बासिन्दा भएका उनीहरु लामो समयदेखी नेपाल आएका छैनन् ।