असोज २१ गतेबाट देशव्यापी प्रदर्शनमा आउन लागेको चलचित्र 'किस्मत २' को नयाँ गीत सार्वजनिक भएको छ । 'पिक्चर हिट' बोलको सार्वजनिक गीतमा शिल्पा पोखरेल र पृथ्वीराज प्रसाइ देखिएका छन् । डान्सिङ विटमा रहेको सार्वजनिक गीतमा दिपक शर्माको संगित रहेको छ भने साहिमा श्रेष्ठ र कृष्ण काफ्लेको आवाज रहेको छ । गीतमा कबिराज गहतराजको कोरियोग्राफी रहेको छ । मंगलबार राजधानीमा एक कार्यक्रमका बिच चलचित्र किस्मत २ यूनिटले चलचित्रको अडियो एल्बम पनि विमोचन गरेको छ । ऋषि लामिछानेले निर्देशन गरेको चलचित्र किस्मत २ लाई छबिराज ओझाले निर्माण गरेका हुन् । चलचित्रमा शिल्पा र पृथ्वीराजका अलवा किशोर खतिवडाको पनि मुख्य भुमिका रहेको छ ।