'फिल्म कि भगवान भरोसाले चल्छ कि सलमान भरोसाले', हो यो स्लोक अहिले बलीउडमा धेरैले भन्ने गर्छन । एकपछि अर्को गर्दै सलमान खानका फिल्मले सफलता हासिल गरेपछि उनलाई अहिले बलीउडकै किंग भनिन् थालिएको छ । त्यहि क्रममा सलमानले अभिनय गरेको चलचित्र सुल्तान वुधबारबाट प्रदर्शनमा आएको छ । यो चलचित्रले वुधबार आक्रामक व्यापार गरेको छ । भारतबाट मात्र सुल्तानले ३६.५४ करोडको व्यापार गरेको छ । वुधबार भारतका केही प्रदेशहरुमा मात्र ईदको विदा भएपनि सुल्तानले ३६ करोड बढिको व्यापार गर्नुलाई बलीउड पण्डितहरुले राम्रै मानेका छन् । बिहिबार भारतमा ईदको विदा रहेका कारण बिहिबार पनि चलचित्र सुल्तानले यहि आँकडामा व्यापार गर्ने अनुमान छ । बलीउड पण्डितहरुका अनुसार चलचित्र सुल्तानले प्रदर्शनको ५ दिनमा १ सय ५० करोड माथीको व्यापार गर्ने अनुमान लगाएका छन् । तर चलचित्र सुल्तानले शाहरुख खानको चलचित्र हेप्पी न्यू इयरलाई भने उछिन्न सकेन । यो चलचित्रले पहिलो दिननै ४४ करोड माथीको व्यापार गरेको थियो ।