चाँदनी शर्मा , काठमाण्डौ
नेपाली चलचित्र नगरीमा केहि समय अघि एकक्षत्र राज गरेका र दर्शकहरुलाई राम्रा राम्रा सिनेमा दिएर सुपरस्टार बनेका नायक बिराज भट्ट एकाएक नेपाली फिल्म नगरीबाट हराए , यदपि उनि नेपाली फिल्मबाट हराए पनि  भोजपुरी फिल्ममा भने एक क्षत्र नै राज गरिरहे , र उनैनायक सुप्परस्टार बिराज भट्ट  अहिले पुन नेपाली फिल्म "जय परसुराम" मार्फत ५ बर्ष पाँच बर्ष पछि नेपाली फिल्ममा कमब्याक भएका छन् ।
नेपाली फिल्ममा एक्सन भूमिकामा निकै जमेका विराज कम ब्याक भएको फिल्म जय परसुराम' लाई कुशल नायक तथा निर्माता रोज रानाले निर्देशन गरेका हुन् । निर्देशक रानाको यो डेब्यु फिल्म  हो । बिराज भट्ट संगै गायक रबिन तामाङ लाई पनि बोल्ड भूमिकामा फिल्ममा देख्न सकिने बताए निर्देशक रोज रानाले ।
फिल्ममा अभिनेत्री निशा अधिकारी नायिकाको रुपमा देखा परेकी छिन , नेना रेशम पछी निशा र विराजको पेरियेंग दोश्रो पटक हो । यस फिल्म बाट विराजको कम ब्याक दमदार हुने देखिन्छ किनकी फिल्ममा बिराजको साउथ शैलीका दमदार एक्सनका दृश्यहरु समेटिएको छ ।
उनका डाइलगहरु समेत आकर्षक छन, ट्रेलरमा बिराज भन्छन ”चट्टानलाई फोडेर निस्कने फलाम हु म, कालो बादल र अन्धकारलाई चिर्दै निस्कने घाम हु म, दुष्टहरुको संहार गर्दै न्यायको बिगुल फुक्ने परशुराम हु म” । यो सिनेमाको मेकिंग समेत निकै राम्रो देखिएको छ। जय परशुरामले एक इमान्दार प्रहरी अफिसरले समाजमा हुने अन्यायको बिरोधमा लड्ने कथा देखाउछ भन्ने कुरा ट्रेलरबाट बुझ्न सकिन्छ ।
फिल्ममा बिराज, रबिन अनि निशा संगै प्रजोल गिरि,  ध्रुव कोइराला, देशभक्त खनाल, सुन्दर श्रेष्ठको पनि मुख्य भूमिका रहेको छ । रिदान्स सिने आर्टको प्रस्तुतिमा बनेको फिल्म "जय परसुराम" यहि श्रावण २९ गते रिलिज हुने भएको छ ।