नायक राजेश हमालले आफ्नो ५२ औं जन्मदिन स्वयम्भू स्थित सेरसंग बाल केन्द्रका बालबालिकाहरुसँग मनाएका छन । करिब ७० जना बालबालिका रहेको बाल केन्द्रमा हमालले जन्मदिनको केक पनि काटेका थिए । नायक हमालले बालबालिकाहरुलाई आफ्ना फिल्मका चर्चित संम्वाद सुनाउँदै उनीहरुसंगै नाचेर मनोरञ्जन समेत प्रदान गरेका थिए । हमाल बाल केन्द्रका संस्थापक छोग्याल रिम्पोंचेको निम्तोमा त्यहाँ पुगेका थिए । सो अवसरमा नेपाली तारा प्रताप लामाले महानायक हमाललाई जन्मदिनको शुभकामना दिदैं आफ्ना चर्चित गित गाएका थिए ।