यसै बर्ष प्रदर्शनमा ल्याउने तयारी गरिएको चलचित्र 'चपली हाईट २' को अडियो जुकबक्स सार्वजनिक भएको छ । सोमबार मात्रै टिजर सार्वजनिक गरेको चलचित्र यूनिटले मंगलबार चपली हाईट २ को अडियो जुकबक्स सार्वजनिक गरेको हो । सार्वजनिक अडियो जुकबक्समा २ गीत मात्र समाबेश रहेका छन् । गीतहरुमा संगीत अर्जुनकुमारको छ भने स्वर धर्मेन्द्र सेवान र सन्तोष लामाको छ भने शब्द सुरेश राईका रहेका छन् । दिपेन्द्र के. खनाल निर्देशित चलचित्र चपली हाईट २ मा आयुष्मान देशराज श्रेष्ठ, मरिष्का पोखरेल र परमिता राना लगायतका कलाकारहरुको प्रमुख भुमिकान रहेको छ ।